के बि खड्काको हत्यारा पक्राउ,लिवरेसन आर्मी अफ भूटान संलग्न रहेको खुलासा

“केबि खड्का र शान्तिरामको हत्यारा एकै,भुटानी शरणार्थी सिबिर भित्र अपराधिक गतिबिधी सन्चालन गर्ने गिरोहको भण्डाफोर”

गत केहि महिना अघि मात्रै कायरता पुर्बक हत्या गरिएका भुटानी अग्रज तथा शरणर्थी शिविर बेलडाँगी ३ का पूर्व सचिव के बि खड्काको हत्यारालाई प्रहरीले सुक्रबार राति गिरफ्तार गर्न सफल भएको छ । पक्राउ परेका मध्ये भुटानी शरणार्थी सिबिर बेलडाँगी १ सेक्टर जि २ हट नम्वर २६५/६६ बस्ने यादव गुरुङ(वर्ष २६) र शरणार्थी सिबिर टिमाई घर भइ सेक्टर ए ३ हट नम्वर १४ बस्ने पहलमानराई(वर्ष ३९) रहेका छन् । उनिहरुलाई पक्राउ गरि केरकार गर्ने क्रममा धेरै जानकारी प्रहरीले पत्ता लगाएको छ । पक्राउ परेका मध्ये यादब गुरुङ अर्का भुटानी अग्रज शान्तिराम नेपाललाई गोलि हान्ने प्रमुख रहेको खुलेको छ। स्मरण रहोस गत बैसाखमा आफ्नै घर बाहिर(सौचालय ) गएको मौका छोपी बेलडाँगी एक निवासी शान्तिरामलाई अज्ञात समूहले गोलि प्रहार गरि हत्या गरेको थियो जसमा संलग्न केहि भुटानी युवायुवतिलाई प्रहरीले पक्राउ गरि जेल चलान गरेको थियो।

पक्राउ परेका यादव गुरुङ र पहलमान राइ दुवै भूमिगत संगठन लिवरेसन आर्मी अफ भूटानका सदस्य भएको र यादव गुरुङले धेरै भूटानी शरणार्थी अगुवाहरुको ज्यान लिइसकेको पनि खुल्न आएको छ । यसै गरि उनले केहि वर्ष अघि बेलडाँगी-३का लाल बहादुर गुरुङलाई सुतिरहेको अवस्थामा गोली प्रहार गरेको पनि बताएका छन् । प्रहरीले गुरुङको बयानका आधारमा उनि ठुलै अपराधी रहेको बताएको छ। भुटानी अग्रज के बि खड्काको हत्या यादब गुरुङ र टिमाई सिबिर निवासी उनका भेना भक्त गुरुङले गरेको खुल्न आएको छ ।

पक्राउ परेकाहरुको बयानका आधारमा प्रहरीले धेरैलाई खोजि गरिरहेको छ । हत्या के कारणले गरिएको हो भन्ने प्रस्ट भएको छैन तर प्रहरीले सिबिर भित्र अपराधिक गतिबिधि संचलान गर्नेहरुको नाम पाएको छ जसमा शरणार्थी शिविरका रमेश सुब्बा, तारामान मुकारुङ्ग र भुटानी मानव अधिकारवादी नेता एस.वि. सुब्वा रहेका छन्। ठुलै गिरोहमा संलग्न यादब गुरुङ र पल मान राइलाई थप अनुसन्धानका लागि भद्रपुर चलान गरिएको छ । उनिहरुको गिरफ्तारीले सिबिर भित्र मखुण्डो लगाएर अपराधिक गतिबिधि संचलान गर्दै आएकाहरुको पर्दाफास हुने निश्चित भएको छ । यसै गरि प्रहरीले केहि दिन अघि देखि नै सिबिरभित्र कडा सुरक्षाको नीति अपनाएको छ ।